« ~ هــذهـ الآدميـة جــداً تعبــآنه نفسيــاً ..

مسآكم رضا من الرحمــن .. وسعادة ورآحـة بال 

من الأمس ودي ادخل هنا واكتب لكم وأفضفض عنـدكم بس أحس اني مو عارفـة وش اكتب ووش أقــول ..

..

اللي متابعيــن مدونتـي من الأول راح يحســون فينـي ويفهمون وضعي زيـن ..

تتذكرون لما كنت اسولف لكـم .. عن مدرستي اللي نقلت لها بجدة .. وش كثر مرتاحـة . تتذكرون اللي كنت احكيه لكم عن طالباتي ومواقفي في هـ المدرسـة ..

هــذآآ كله رآآح .. أو ب الاصح اوشك على انه ينتهي ويصير مجرد ذكـرى ..

طيب ليش .. .؟؟!!

أنا اعلمكــم ..

المبنـى عندنا صغير ومستأجر .. وصارت فيــه مشاكـل .. وصار خطر علينا وعلى طالباتنا ..
مديرتنا بلغت الصيانة .. وجات لجنـة من الوزارة لمعاينـة المبنـى ..
وجات لجنـة من الدفاع المدني ..
وكتبوا على التقرير ( المبنى تالف وغير صالح كمدرسـة )
وكان هذا التقرير صدمـة لنا كلنا ..
توتر .. قلق .. تعب نفسي نكـد ..
بين جميع المعلمات الاداريات المستخدمات .. حتى الطالبات تأثروآ ب الخبر ..

طلبت مننا الوزارة بسرعـة الاخلاء ..
ووفرت لنا مدرسـة مجاورة نداوم فيها مسائي ..
وطبعا لابد من موافقة الاهالي .. والمعلمات ..
لما استشارتنا المديرة كلنا قلنا معاك وين ماكنت .. وماراح نتركك ..
واولياء الامور في منهم اللي رفض وسحبوا بناتهم وفي منهم اللي وافقوآ على استمراية بناتهم
طبعاً انسحاب الطالبات كان بعدد أثر على وضع المدرسة لانها ممكـن تتقفل ..

..

اول ايام الدوام من بعد الاجازة بدأنا نلم اغراضنا ونجمعها للنقل ..
الثلاثاء جات الشركة للنقل .. وكان المنظر محزن والله نشوف مكاتبنا والعهد وادواتنا كلها تنقل امامنا
ماتحملنا المنظر وامرت مديرتنا بصرفنا رغم انه كان اول اليوم .. وطبعا طالبات مافي لان عندهم اجازة استثنائية بحكم النقل ..

الاربعاء المدرسـة المنقولين لها مسوية حفل استقبال لنا .. رحنا فترة الصباح ..
ماقصروآ ابدا ً وقاموا ب الواجب .. بس كنا تعبانين من الداخل ف صعب علينا ندخل جو الفرح والانبساط
المشرفة الادارية كانت حاضرة وحست بشيء فطلبت من مديرتنا ترجع تسألني موافقين على الدوام المسائي ..
الكل جاوب ( معاك ) مسائي او صباحي .في هذه المدرسة او غيرها ..
وبدأنا نرتب نفسنا ..
اضطرينا نقلص عدد الفصول لــ 12 فصل فقط ..
وتجي الطامـة الكبرى ..
المشرفـة الادارية .. تبلغ مديرتنا ان عددنا زائد عن حاجة المدرسة ولابد من ندب 7 معلمات .. من بينهم الخمس معلمات صغيرات السن الجديدات .. في هـ اللحظة تمنيت ان عمري خمسين 

والله انصدمت يعني مالحقت اتهنى ب النقل لهذه المدرسة وقلت اخيراً حصلت الراحـة ..
من قوة الصدمـة رحت للمديرة وقلت لها افتحوآ الجهاز وارفعولي نقل داخلي ..
المديرة كان الله في عونها تحصلها من هنا ولا من هنا .. حطت يدها على راسها .. ونادت على وكيلتها
وقالت لها تعالي شوفي …؟؟ .. طالبة نقل
جات الوكيلة تسألني ليش .. اقولها الندب انا ماابغاهـ ولا ابغاا اقعد كل شوي من مدرسة لمدرسـة .
رفضوا يسجلون لي وقالوآ روحي البيت واستخيري واهدأي .. وبلاش انفعالات ..
وسويت اللي طلبوهـ مني ..
اليوم الثاني اصريت عليــه وسجلوأ لي البيانات وادخلوها في البرنامج وبعد ماوقعت وانتهيت .. حسيت وكأني بفقد شيء كبير . لكن وش اسوي شي مو بيدي ..

اليــوم اطالع في طالباتي .. واتذكر كلام امهاتهم .. ( والله ي ابله مانبغا الدوام هذا لكن نبغاك انت عشان كذا بنخلي بناتنا ) واتوجع من هـ الشيء ..
زميلاتي اليوم يحاولون يقنعوني .. وباين الحزن في عيونهم ..
وحده فيهم تقول ما أصدق انه لك سنة بس معنا . والله وكأنها سنين ..

لكــن ب الاخير وقبل كل شيء .
اقول .. اللهم رحمتك آرجوآ فلاتكلني إلى نفسي طرفة عين واصلح لي شأني كله .. اللهم إني فوضت امري اليك ..

الله يكتب لي الخير ويخفف عني فرقاهــم .. ويعوضني عنهم
ويخلفني عن كل جميل ب الاجمل منــه ..

مافيني ارجع اراجع ماكتبت .. 
..~